فراشة ملونة وتطير

يا انقى من ندى صبحٍ ذبح نفسه على ورده

غيابك صار يتسلل على وجنة صباح الخير

يجيني بكل سلاسة حب يعانق خدي بخده

واضمك في حشا روحي فراشه ملونه وتطير

قريب من ربيع القلب بلا صيفه بلا برده

مكفيني فصل واحد فصل ما يشمله التغيير

انا مهما بغيت استوعب غيابك على بعده

تجيني لهفة الحرمان ذباحه بلا تفكير

سفر غير ملامح ها لفضا لي شق لي كبده

إلين انه تناثر بالجمر مع قلة التقدير

وجا معانق وهم ها لفجر فعيوني رمى سهده

ذبح مقلة خبايا الليل ومضى به بلا تبرير

يا اغلى من كسر ميثاق عهدي به رغم حده

ترى حبك معلمني اطنش كل شي ايصير.

اسوار صور- عُمان