ضيقه وتالي الليل تزعجني
أمل ولاشك الألم عاده
فرحه بسيطه معاها دموع
آهات من وقت ولها موقف
حزن البسيطه لا أعتراها زيف
سيره قديمه مانبي تذكر
شوق الشعر لـ وسادة الشعر
أحلام ماتبنى على الواقع
رد الجمايل في زمن مايل
أسمي ولا أقدر أكتبه للناس
دفن النسب والسب دون أسباب
أصداء منفى موطنه ناسي
شمعه وله بين الأحبه تموت
أوراق ياكثر الورق ياهيه
إعلام لايرقى إلى التفكير
ظلم البشر ,, قلنا الزمن ظالم
أقزام حكم وفلسفه حاكم
أول قضيه أصبحت مشروع
هذا أنا في ظل تأخير الزمن للأمنيه
هذا أنا
حاولت لكن ماقويت
قولوا لهم ياما نسيت
وإني نسيت الناس وأرهقني وجودك
وحاولت أنتبه لكن حدودك
تذكرت الحزن وشلون شكله
تطاير هالورق وأن خاف جودك
كفايه الحلم ماشاف بحياته
سواك .. وقال في موجك ركودك
عرفت أن البحر ماكان يظلم
ونويت أبعد عسى مالان عودك
عشان أكون لك غايه كبيره
تفضل ورني الليله حشودك
حزنت ومابقى للدمع قيمه
وصرت أسأل إذا كنا أختلفنا
تغيرنا تخالفنا عرفنا
تناسينا نسينا أو جفلنا
تغطينا عن الدنيا بـ غلطه
وتالي الليل صوتك في سجودك
فلا هانت ولا لانت وخانت
وجت تذكر شموخي يوم كانت
بقايا الحلم زار العين مره
وهي مره وآخرها جمودك
حزين النور لاداجه ظلامك
غريب الكون لابان لكلامك
جديد الورد لا أحيا غرامك
وياثقل الأمانه لاتدلت
